نماز کا طریقہ

بازوں کو کروٹوں اور پیٹ کو روانوں اور ررانوں کو پنڈلیوں سے جدا رکھو اور دونوں پاؤں کی سب انگلیوں کے پیٹ زمین پر قبلہ رخ جمائے رکھو، ہتھیلیاں بچھی ہوئی اور انگلیاں قبلہ کی ہوں اور تین یا پانچ بار سبحٰن ربی الاعلٰیکہو پھر تکبیر کہتے ہوئے پہلے سر اٹھاؤ پھر ہاتھ اور داہنا قدم کھڑا کرکے اس کی انگلیاں قبلہ رخ کرو اور بایاں قدم بچھا کر اس پر خوب سیدھے بیٹھ جاؤ اور ہتھیلیاں بچھا کر رانوں پر گھٹنوں کے پاس رکھو کہ دونوں ہاتھ کی انگلیاں قبلہ کی ہوں پھر اللہ اکبر کہتے ہوئے دوسرا سجدہ اسی طرح کرو پھر سر اٹھا ؤ اور تکبیر کہتے ہوئے ہاتھ کو گھٹنے پر رکھ کر پنجوں کے بل کھڑے ہو جاؤ۔ اٹھتے وقت زمین پر ہاتھ نہ ٹیکو۔

یہ دوسری رکعت شروع ہوئی اب صرف بسم اللہ الرحمن الرحیم پڑھ کر الحمد شریف پڑھو اور کوئی اور سورت ملاؤ اسی طرح رکوع کرو اور رکوع سے سیدھے کھڑے ہو کر اسی طرح سجدے میں جاؤ اور دونوں سجدے اسی طرح کرکے داہنا قدم کھڑا کرو اور بایاں قدم بچھا کر بیٹھ جاؤ اور اب تشہد یعنی التحیات پڑھو اور جب کلمہ ’’لا‘‘ کے قریب پہنچو تو داہنے ہاتھ کی درمیانی انگلی اور انگوٹھے کا حلقہ بناؤ اور چھنگلی اور اس کے پاس والی کو ہتھیلی سے ملا دو اور کلمہ ’’لا‘‘ پر کلمہ کی انگلی اٹھاؤ مگر اس کو حرکت نہ دو اور کلمہ ’’الا‘‘ پر گرا کر سب انگلیاں فوراً سیدھی کر لو پھر دورد شریف پھر دعا پڑھو پھر داہنی طرف منہ پھیر کر ایک بار السلام علیکم ورحمۃ اللہپھر بائیں طرف منہ پھیر کر السلام علیکم ورحمۃ اللہکہو ۔ یہ دو رکعت نماز پوری ہوگئی۔
سوال نمبر 2:تین یا چار رکعت پڑھنا ہوں تو کیسے پڑھیں؟
جواب :اگر دو سے زیادہ رکعتیں پڑھنی ہوں تو دوسری رکعت کے آخر میں صرف التحیات پڑھ کر کھڑے ہو جاؤ اور جتنی رکعت پڑھنا چاہو پڑھو، مگر فرضوں کی ان رکعتوں میںالحمد شریف کے ساتھ سورت ملانے کی ضرورت نہیں ہاں نماز سنت یا نفل یا واجب ہے تو یہ دو رکعتیں بھی پہلی دو رکعتوں کی طرح پڑھو یعنی الحمد کے بعد سورت ملاؤ۔
سوال نمبر 3:امام اور مقتدی کی نمازمیں کیا فرق ہے؟
جواب :نماز پڑھنے کا جو طریقہ ہم نے لکھا یہ امام یا تنہا مرد (منفرد) کے پڑھنے کا ہے، مقتدی کے لیے اس کی بعض باتیں جائز نہیں مثلاً امام کے سورئہ فاتحہ یا کوئی سورت پڑھنا مقتدی کو صرف پہلی رکعت میں ثناء پڑھ کر خاموش ہو جانا چاہیے، اسے اعوز باللہ اور بسم اللہ پڑھنے کی بھی اجازت نہیں اور ایک فرق یہ بھی ہے کہ رکوع سے اٹھتے وقت مقتدی کو صرف اللھم ربنا ولک الحمد (یا ربنا لک الحمد) کہنا چاہیے۔
سوال نمبر 4:سجدے میں پاؤں زمین سے اٹھے رہیں تو نماز ہوگی یا نہیں؟
جواب :پاؤں کی ایک انگلی کا پیٹ زمین پر لگنا شرط ہے اور ہر پاؤں کی تین تین انگلیوں کے پیٹ زمین پر لگنا واجب ، تو اگر کسی نے اس طرح سجدہ کیا کہ دونوں پاؤں زمین سے اٹھے رہے نماز نہ ہوئی بلکہ صرف انگلی کی نوک زمین سے لگی جب بھی نہ ہوئی اس مسئلہ سے بہت لوگ غافل ہیں۔
سوال نمبر5: فرض نماز کے بعد کون سی دعا پڑھتے ہیں؟
جواب :فرض نماز کے بعد یہ دعا پڑھی جاتی ہے:
ا للھم انت السلام و منک السلام والیک یرجع السلام تبارکت ربنا و تعالیت یا ذاالجلال والا کرام ط
اے اللہ ! تو سلام ہے اور سلامتی تجھ ہی سے ہے اور سلامتی تیری طرف لوٹتی ہے۔ اے رب ہمارے ! تو برکت والا ہے اور بزرگ ہے، اے عزت و جلال والے!